One of Nigeria former Aviation Ministers, Femi Fani-Kayode wit im wife cari di drama around di marriage enta social media.
Inside one tweet wey Oga Fani-Kayode bin use respond to allegations of abuse, e label im wife Precious Chikwendu as “estranged”, wey mean to separate or say closeness no dey again.
- See Fani-Kayode response to blog wey cari tori say im and wife separate sake of ‘domestic violence’
- Blood dey hot as video of Femi Fani-Kayode ‘insult’ to journalist during briefing go viral
Di drama bin first start when Sahara reporters release one viral video of madam Precious and her husband dey exchange words.
EXCLUSIVE: Ex-Nigerian Minister, @realFFK, Caught On Tape Abusing His Now Estranged Wife, Precious Chikwendu
WATCH FULL VIDEO: https://t.co/JYtXMFzQLn pic.twitter.com/Ivi4AsTowm
— Sahara Reporters (@SaharaReporters) October 3, 2020
For series of Tweets wey di former minister post for Saturday evening, e tok say no truth dey inside di video wey di online paper post. He say “I no physical abuse, I just collect phone from her make she stop to dey record me”.
Fani Kayode say im neva physically abuse im wife before.
…My words in the video are self explanatory. I urge those thet watched it to listen to those words carefully. I told her that everyone wanted peace except for her and all she did was indulge in scandal after scandal. I have NEVER physically abused my estranged wife.
— Femi Fani-Kayode (@realFFK) October 3, 2020
Tori bin comot earlier say former minister and im wife don separate. Di blog Stella Dimokokorkus wey publish di informate say di separation na sake of serious domestic violence.
Part of wetin di blog write na say tori be say Precious move comot di house four months ago without her four sons she get with Fani-Kayode as di former minister forbid her to near di house.
Di tori also say Fani-Kayode collect back di car gift and oda tins e buy for her wen dem dey togeda. Di blog also allege say Precious chop beatings plenti times, even wen she dey pregnant for her first son and di triplets.
But lawyers of Fani Kayode wey write letter give di blog deny all di accusation.