Nigeria Labour Congress (NLC) strike wey suppose start on Monday dey suspended following di outcome of meeting NLC hold wit federal goment.
Tori be say federal goment bin enta meeting on Sunday evening wit labour leaders in order to avoid a shut down of di kontri work force sake NLC demand.
- Strike go cause more hardship for Nigerians – Lai Mohammed
- Frustration as Nigerians reject 100% increase for new electricity tariff – See how much you go pay now & seven reasons why NERC suddenly hike di tariffs
- See why some Buhari goment policy change dey make Nigerians remember Jonathan
Nigeria Labour Congress wey be join bodi of public workers for Nigeria bin dey prepare to start strike action plus protest on Monday 28 September sake of how goment increase of petrol price and electricity tariff moni happun for di same time all over di kontri.
Wetin be di outcome of meeting NLC hold wit federal goment?
Federal goment and Labour reach agreement at 2:53am afta hours of meeting, according to Festus Keyamo, Nigeria Minister of State for Labour & Employment.
- Zaria fit produce anoda female emir after di popular Queen Amina? – Dis na latest on new Emir of Zazzau selection
- Trump taxes vs ‘New York Times $750 tax returns’ and wetin you suppose sabi
- Maurice Kamto still dey house arrest a week afta anti-Biya protest – Lawyers
One of di things dem agree be say di deregulation (market control of petroleum pump price) go remain as goment roll out support moni alias palliatives for labour (details in 2 weeks).
Also electricity tariffs (wey goment increase from 1 September, 2020) go dey suspended by goment for 2 weeks wit a joint committee wey Oga Keyamo go head to look into alias examine di main reason or justification for di new policy. Strike suspended
FG & LABOUR reach agreement at 2:53am. Deregulation to stay as Govt rolls out palliatives for labour (details in 2 weeks); Electricity tariffs suspended by Govt for 2 weeks with a joint Committee headed by @fkeyamo to examine the justification for the new policy. Strike suspended pic.twitter.com/9tOTlJ9o1l
— Festus Keyamo, SAN (@fkeyamo) September 28, 2020
NLC President, Comrade Ayuba Wabba, Trade Union Congress (TUC) President Quadri Olalaye, NLC Secretary General Emmanuel Ugboaja, TUC Secretary General Musa Lawal Ozigi, NUPENG President Williams Akporeha, PENGASSAN President Festus Osifo, President of NUEE MartinUzeogwu, President of SSAEAC Chris Okonkwo na im join hands sign di agreement on behalf of labour unions wey suspend di strike.
While Minister of Petroleum, Timipri Silva, Minister of Labour and Employment Chris Ngige, Minister of State for Labour & Employment Festus Keyamo, Minister of Information Lai Mohammed, Minister of State for Power Jedy Agba and Secretary to di Goment of di Federation Boss Mustapha na im join hands sign on behalf of Nigeria federal goment.
Wetin NLC dey demand from federal goment wey make dem wan strike?
NLC President, Comrade Ayuba Wabba say dem want goment to return back to di way prices of electricity tariff and petrol pump price bin dey before.
Afta di meeting, federal post details of wetin dem agree wit labour for dia twitter post.
FG will make available to Labour 133 CNG/LPG-driven Mass Transit Buses immediately, for use in major cities nationwide, and thereafter extend to all States and LGAs before December 2021
— Government of Nigeria (@NigeriaGov) September 28, 2020