United Nations awards scammer go fit face fraud charges if victims report am, Ghana police official reveal.
Kwame Fordjour, who organise de Global Blueprint Excellence Award put out claims say he dey collaborate plus United Nations and Kofi Annan Foundation.
- How scammer give top Ghana musicians, politicians, and odas ‘feeding bottles’ as UN awards
- Nigerian goment cut ‘enough is enough’ warning for Ghana vs Nigeria relations
But de Ghana Chapter of de United Nations issue official disclaimer which dem take distance dema body from de awards.
For press statement inside dem talk say “UN no get any affiliation to de “Blueprint Global Challenge Awards” or dema organisers.”
https://web.facebook.com/UNinGhana/posts/2666892313625301
Fraud and Fraudulent misrepresentation
BBC Pidgin follow up plus Ghana Police Service who explain say de actions of de ‘scammer’ dey fall under “fraud and fraudulent misrepresentation.”
Dem explain say if any of de victims come forward dem report de case to any police station across de country, dem go hand over de case give de Fraud Unit for Ghana Police CID Headquarters who go take de matter up.
Victims go also petition Director General of CID so say he go fit investigate de matter.
Reputational damage
Police say despite de fact that some victims of dis UN awards scam no lose any monies, de fact that de scam affect dema reputation be offense.
So if celebrities like Sarkodie feel say de activities of de ‘scammer’ affect dema reputation, dem go fit apply legal process against am.
Over de weekend, social media users for Ghana express shock after over 20 top public figures like rapper Sarkodie, govment ministers, politicians, academics and others fall victim to fake UN award scam.
After de news broke say de awards be fake, Sarkodie tweet: “Shatta Wale on the phone explaining what actually happened with Mr UN. Ebe now I understand but we move.”
#DrUN@sarkodie @nydjlive @kooSebor @djsliming @DBLACKGH @djblack
Bow down to greatness pic.twitter.com/qcBIn98WT7
— Imaginary Son Of Bill Gate (@louisoduro) September 5, 2020
De suspected scammer, Kwame Fordjour no express any remorse over en actions, rather he appear for some videos where he dey tell people say he dey make people stars.
