International flight resumption in Nigeria: See di timetable wey Nigeria release for approved international airlines to fly

Authorities for Nigeria don release time table for di partial resumption of international flights.

Dis dey come as di kontri officially resume international flights on Saturday September 5, afta dem suspend am for March sake of coronavirus outbreak.

For inside tweet wey Nigerian Civil Aviation Authority (NCAA) post for Twitter, e show di flight time table wey di Director- General captain Musa Nuhu sign.

Di aviation agency say na maximum of 200 passengers each flight dey allowed to carry inside di kontri.

Dem say dis number na sake of di approved number of incoming passengers wey be 1,280 for each airport on a daily basis for now.

Approved rules for travellers

  • Incoming travellers must test negative to Covid-19 wit proof PCR test result for proof
  • Di traveller suppose don do di test within 4 days of departure (but preferably 72 hours)
  • For certain countries, Covid-19 PCR test results must come from specified laboratories
  • All travellers wey dey come Nigeria must register for https://nitp.ncdc.gov.ng/
  • Travellers must upload dia negative Covid-19 PCR test results for di website
  • Travellers go do anoda test on 7th day afta arrival. Dem fit chose location and date for result collection
  • Di same website na wia travellers fit do self-reporting
  • Thermal screening go happun for di airports