Kingsley Coman second-half goal give Bayern Munich 1-0 victory over Paris St.-Germain and dia sixth Champions League title.
Kingsley Coman, wey start im career for PSG, score 59th-minute header from Joshua Kimmich cross.
- Why Big Brother punish Erica, Kiddwaya, Ozo and Tolanibaj
- See Premier League 2020-21 opening fixtures here
- See di best 8-2 yabis wey Barcelona suffer for world pipo hand for social media
Na night of joy for Bayern coach Hansi Flick, wey take over as interim coach from Niko Kovac wey dem sack for November.
For di French giants PSG, na night of terrible disappointment as dia two attacking superstars Neymar and Kylian Mbappe, fail to deliver, Bayern keeper and man of di match Manuel Neuer frustrate dem wen dem get di best of di first-half chances.
Mbappe and PSG pain increase for di second half wen Kimmich trip am for di area, but dem ignore PSG penalty claims.
Bayern again collect di champions of Europe crown, dem also become di first team to win di trophy by winning every Champions League game inside one single campaign.
Some key stats
Bayern don win di European Cup/Champions League for di sixth time (level with Liverpool) and for di first time since 2012-13. Only Real Madrid (13) and AC Milan (7) don collect di crown as champions pass dem.
PSG no score inside game for a major European competition for di first time in 35 matches, di last time dis kain tin happun na wen di 1-0 defeat Manchester City sama dem for April 2016.
All di past seven teams wey compete for dia first European Cup/Champions League final lost, di last first-time winners na Borussia Dortmund for 1997 against Juventus.
Na only four times before naim manager wey old pass Bayern boss Hansi Flick (55y 181d) win di Champions League (Goethals with Marseille in 1993 – 71, Heynckes with Bayern Munich in 2013 – 68 and Alex Ferguson with Man Utd in 1999 and 2008 – 57 and 66).
Bayern become just di third side for Champions League history to hit di 500-goal mark for di competition (500 goals in total), afta Barcelona (517) and Real Madrid (567).
Bayern attacker Kingsley Coman become di fifth Frenchman to score inside Champions League final (Benzema 2018, Zidane 2002, Desailly 1994 and Boli 1993).