Di tribute wey former President Olusegun Obasanjo write for di death of Senator Buruji Kashamu don make pipo dey para.
Inside im statement wey im tok-tok pesin Kehinde Akinyemi sign, Obasanjo say while Kashamu death dey “sad”, im life and history bin leave “lessons for those wey dey on dis side of di veil.”
Kashamu die of Covid-19 on Saturday, 8 August for First Cardiology Consultants hospital inside Lagos, according to im friend Senator Ben Murray Bruce.
- Buruji Kashamu don die – See how Nigerians dey mourn di Senator death
- Senator Ajimobi die from coronavirus – See wetin we sabi about im burial
“Senator Buruji Kashamu for im lifetime, bin use law and politics to dodge from accuse of criminal offence for Nigeria and outside Nigeria,” Obasanjo tok.
“But no legal, political, cultural, social, or even medical corner corner fit stop di cold hand of death wen di Creator of all us decide say im time don finish.
“Make Allah forgive im sin and accept im soul inside Aljanah, and may God grant im family and friends di strenght to bear di ogbonge loss.”
BBC bin follow im tok-tok pesin Akinyemi yan, wey insist say Obasanjo dey “entitled to im opinion about anybodi (dead or alive)”. Im add say pipo wey dey para for Obasanjo ontop social media also get dia mouth and im no regret wetin im write.
Until im death, Kashamu na Nigerian politician wey serve as a Senator representing Ogun East inside di 8th National Assembly.
How pipo dey para for social media
Ayodele Fayose, Ekiti state former governor wey pray for di late senator, say condemn Obasanjo statement.
Many odas for social media no gree wit di statement wey di former presido make.
Even when his foes die, it appears Obasanjo doesn’t forgive.
— Dr. Dípò Awójídé (@OgbeniDipo) August 9, 2020
There is a time that one should sheath his/her sword no matter what is the level of animosity. That Obasanjo’s condolence letter to the family of @BurujiKashamu is a low even for Obasanjo’s low standard.
— Dr. Ben Gbenro (@bengbenro) August 9, 2020
If this was from God, it’d have been very understandable. But it’s more disturbing to have these words come from a mere mortal. Baba, don’t worry, you’ll live forever.
— Eximius Dee (@eximiusdee) August 8, 2020
But some odas stand gidigba wit Obasanjo statement.
What Chief Olusegun Obasanjo said about Buruji Kashamu is absolutely the truth and it’s same for most corrupt Nigerian politicians.
Many of them used and maneuver of law and politics to escape from facing justice on alleged criminal offences, but they would not escape death.
— Tosin Olugbenga (@TosinOlugbenga) August 9, 2020
What Obasanjo said was the absolute truth, he did not exclude himself from the statement
— gbenga_akoms (@AkomsGbenga) August 9, 2020
Some of di kwanta wey Kashamu bin get wit di law
- 1998, court for America bin accuse am of plan to import heroin enta US
- 2015, National Drugs Law Enforcement Agency (NDLEA) bin waylay Kashamu for house to arrest am send am go US but local reports be say Kashama no gree come out afta dem wait for am for six days.
- 2016, court for Chicago, Illinois rule say Kashamu must answer im drug accuse