Shoprite to exit Nigeria: Di retail company put dia supermarket for di West Africa kontri on sale like Woolworths Group do years ago – See dia main divestment reason

Shoprite leaving Nigeria

BBC
Shoprite don dey Nigeria for 15 years

Shoprite retail company, wey be Africa number one supermarket chain, on Monday announce say dem dey consider to end dia business for Nigeria.

Di South Africa company, wey open dia first store for Lagos in 2005, say dem dey find buyer for dia business inside di West African kontri.

Shoprite na di latest South African retailer to consider leaving Nigeria – clothing firm Mr Price announced been announce dia exit in June, and Woolworths wey be anoda retail giant bin waka comot in 2014.

Shoprite decision dey come at a time wen Nigeria economy dey struggling in di middle of di coronavirus pandemic

Dis go come as shock and surprise to many Nigerian shoppers and customers wey see Shoprite as one of di biggest supermarket for di kontri, especially as sign no show say dem dey struggle.

Inside di half-year company report wey dem release on 3 August, Shoprite say investors don dey offer to buy dia business so tey di board don reason am to sell.

“Di board don decide to formally consider to sell all, or majority shares on Retail Supermarkets Nigeria Limited, wey be subsidiary of Shoprite International Limited,” di report bin show.

Wit 25 shops across Nigeria, Shoprite dey employ at least 2000 pipo wey be Nigerians alone.

One public relations consultant to Shoprite for Nigeria, Mr. Ini Achibong tell di BBC say e don tey wey di company don dey find investors wey go buy and say nothing don change for di Nigeria operation for now.

Shoprite say di lockdown restrictions because of coronavirus don affect dia operations in 14 African kontris, wit sales reducing by 1.4% for dis markets markets.

Shoprite yan for dia latest financial statement say di Xenophobic attacks wey happun for Nigeria for September, 2019 bin affect dem wella.

ShopRite Nigeria

Reuters
Shoprite storefront in Abuja, Nigeria

How Nigerians dey react to Shoprite leaving Nigeria