Premier League: EPL and EFL 2020-21 seasons go start for September 12

Liverpool players celebrate with the Premier League trophy

Getty Images
Liverpool na di 2019-20 Premier League champions

Di 2020-21 Premier League and English Football League seasons go start on 12 September.

Na 23 May e end, while di Championship, League One and League Two seasons go finish on 8 and 9 of May.

Di play-off finals go take place for di final weekend for May.

Di current Premier League season go end on Sunday afta dem bin suspend am for three months because of di coronavirus pandemic.

Di regular Championship season bin end on Wednesday, dem go finish di play-offs on 4 August.

Most League One and League Two teams neva play since March. Di 2020-21 Premier League and English Football League seasons go start on 12 September.

Di Premier League say dem go “continue to consult” with di Football Association and EFL “as per di scheduling of all di domestic competitions”.

But, di start date for teams wey still dey play for European competitions dem still dey discuss di mata.

E dey possible say dem fit delay wen dem go start, as e be say dem go still dey play even till August.

Di Last-16 ties for Europa League – for Manchester United and Wolves – go resume on 5 August, with di final wey dey scheduled to take place for August 21.

Remaining Champions League last-16 ties go resume from 7 August, with Manchester City and Chelsea wey still dey di competition.

Di final go happun for August 23.