Fans of di Big Brother Naija show season 5 lockdown edition don enter social media to debate, Rebecca Hampson AKA Nengi actions for di house on Thursday night.
Nengi na di first Head of House for di ongoing 2020 Big Brother Naija reality TV show.
Di Balyelsa State born housemate for di kitchen area of di house on Thursday night dey hug, lean on a fellow housemate, Ozoemena, in di kain manner wey be like say she dey express a special likeness for di guy.
- Meet di first Head of House BBNaija 2020 housemates
- Big Brother Naija Season 5: Main highlights for Day 1
She also lose some points during question session wen she help answer question wey Big Brother ask Ozo.
E be like say fans dey disappointed about her showing interest in a man, instead of di other way round. but some fans also support her action.
See wetin dem tok
Crazy how we talk all day about feminism and allowing women to be expressive of their physical, mental, emotional and sexual needs yet turn around to shame, bash and denigrate Nengi for being expressive about her ‘likeness’ for Ozo. Double standards!!! #bbnaija
— The Forbidden Fruit 🏳️🌈 🏳️🌈 (@fabulos_fairy) July 24, 2020
Eh trying to start a smear campaign on Nengi for simply liking a guy😹😹🤣 in fact I love her more. Your faves are snoring while Nengi is giving us content #BBNaija
— Who’s Stan? (@stan_who) July 24, 2020
Truth is that I’m not surprised about all that happened tonight. Those abusing Nengi are forgetting the facts. She already told OZOemena before that if she likes someone she let them know, so why are you all surprised that she’s trying to get closure from OZOemena #bbnaija
— ⭕Z⭕ Smiling Face ⭕ #teamOzo #bbnaija (@Ozobbnaija5stan) July 24, 2020
Who be Rebecca Hampson AKA Nengi
Rebecca Hampson na 22 years old entrepreneur from Bayelsa State, Nigeria. She be former model and MBGN Top 5 contestant wey love learning new things, having fun, travelling, taking on new adventures.
She study communications for di University of Port Harcourt. She say she like clean place, clean pipo and like to dey true to hersef.
Wetin go happun dis weekend for di house.
Friday night na game show wen Big brother go make di contestants play some games, e neva dey clear which game dem go play tonight but wetin we sabi be say:
Pipo go lose points
Some pipo get opportunity to stay longer for di house if dem win.
And eviction fit happun (di surprise na wetin dey always characterise di Big Brother show)
Saturday Night Party
Social life na great part of Big Brother Naija, Dis Saturday night, housemates go get one club like party, dem go dress like party rockers and life DJ go dey di house wey go thrill dem wit good music.
Big Brother neva unveil who go be di ogbonge DJ for di house dis weekend but we go dey update una.
Wetin we sabi be say, e dey expected say housemates go unwine on Saturday night and romance na one of di atrributes wey we go fit confam between housemates wey dey involved wit each oda.
Dis na anoda emotional moment for di house. In di morning of every Sunday atleast one housemate go comot for di house.
Who go comot? Di Friday night game, Saturday party and activities wey don happun during di week and audience votes go determine who go be di first pesin to comot from di house dis Sunday.