Di Minister for Aviation inside Nigeria, Hadi Sirika don deny di rumour wey dey spread say international flights go resume October.
For inside one statement, di minister explain wetin dey ground wey make pipo dey feel say na october be di date of resumption.
- Nigerians no fit enta EU kontris from 1 July until further notice – Dis na why
- See wetin hapun for Lagos local airport as flights resume – Fotos
“International flight resumption date no be October. NAMA just issue one routine 90 day Notices to Airmen (NOTAM)”, Sirika tok.
According to di minister, di date of resumption for international flight inside di kontri fit dey earlier than di October wey pipo dey tink.
“In liaison with Health, Foreign Affairs and PTF COVID-19, we go announce di agreed date, regardless of di ban by Europe, UAE etc. May be earlier than October.”
For July 8, Nigeria authorities allow local fight operation to resume for Lagos and Abuja Airport afta three months wey goment bin close am sake of coronavirus pandemic but dem no tok any date for di date for international flight resumption.