Entanglement: August Alsina ft Rick Ross ‘entanglement’ lyrics download im side of di story wit Jada Pinkett, Will Smith wife

Auguust Alsina and Jada Pinkett Smith for BET Awards 2017

Getty Images
Auguust Alsina and Jada Pinkett Smith for BET Awards 2017

World pipo still dey wonder wetin dey August Alsina mind wen e release new song tittle “Entanglements”, featuring Rick Ross to address di kain relationship Jada Pinkett claim say e dey between dem four years ago.

Although di song drop on Saturday night, tori be say a week earlier for one popular Facebook Red Table Talk episode, 49 year-old American actress, Jada Pinkett siddon wit her husband, Will Smith discuss her past romance wit di 27-year-old rapper, August Alsina.

She describe di romance as “Entanglement”.

Augut Alsina feature ogbonge rapper, Rick Ross for di 3:09 secs song to tell im own side of di tori.

Wetin August Alsina tok for im new song

  • He tok say di definition of Entanglement na wen pesin entangle for inside di sheets. He use dis line to clear di air on whether di relationship wey dey between dem two involve kerewa. Many pipo no really dey clear on wetin really happun but wit dis song, we get clarity say dem two bin dey sleep wit each oda.
  • E tok say dem no call wetin happun between im and Jada, relationship but Jada still dey sleep wit am.
  • “You just wan pesin wey go break your back”, he tok.
  • He add am say Jada Pinkett just wan sleep wit a young pesin.
  • August reveal say Jada leave her husband to sleep wit am just to pay am back for wetin im do, He describe Jada as pesin wey dey cold-hearted for doing dat kain tin.
  • He say once Jada don go, no more coming back, E tok say Jada lie to am say dem get special bond but dis no be true.
  • For di Verse 3 of di song, August Alsina tok explain further on di kain deep relationship wey dey between im and Jada.
  • “If your husband see me, im go trip”, He tok say jada Pinkett no be im wife but im get her key for hand.

For di Red Table tok, Jada Pinkett explain to her husband, Will Smith say “About four and a half years ago, I start a friendship wit August. We actually became really, really good friends.”

She tok say e start wen August come meet am to tok say im need help wit im mental health.

For one interview wit tori pipo for Vulture, di 27-year-old confess say im only watch “small clips of di video floating on Instagram”. However, he tok say im most certainly hear about how Jada describe dia past relationship.