English premier league table: Man City vs Newcastle, Brighton vs Liverpool, West Ham vs Burnley, results of football league and teams wey fit qualify for champions league or go relegation

Premier League table. results: Man City vs Newcastle, Brighton vs Liverpool, West Ham vs Burnley, results of football league

PA Media

English premier league table and results still dey pipo mind even as Liverpool don already win di Premier League title for di 2019/20 season.

West Ham and Burnley match na anoda match wey pipo dey use torchlight look as e be say West ham no dey safe for di league table.

Jay Rodriguez score di winning goal for Burnley as dem beat West Ham 1-0 and increase dia chances to move close to qualifying for Europa League.

For di oda matches wey happun today Manchester City waya New castle 5-0.

Gabriel Jesus, Mahrez, Silva and Sterling na dem score di goals for City.

Sheffield United beat Wolves 1-0.

Meanwhile champions Liverpool beat Brigton 3-1.

West Ham vs Burnley h2h: English premier league results, table

Getty Images
Vardy na di top scorer for Premier League with 22 goals

Di one wey neva dem settle for di league na di teams wey go play for Europe next season and di teams wey go go relegation.

Manchester City fit miss out on Champions League football unless CAS overturn dia two-year Uefa ban, di race for top-five finish still dey hot.

On Tuesday Chelsea increase dia chance to finish for top four afta dem beat Crystal Palace 3-2 to move to number three position for table.

Tottenham 1-0 win over Everton on Monday evening carry dem to eighth to close di gap on fifth-placed Manchester United to seven points.

Di top four teams for di league go qualify for Champions Leagues while fifth and sixth position go play for Europa league.

While di bottom three teams for di league go go relegations. Di way tins dey for table Aston Villa, Bournemouth and Norwich dey di relegation zone and tori be say Brighton, West Ham and Watford leg still dey shake for di league.

Premier League table as tins stand now

Dis na wetin d table look like as at July 8, 2020 but di league table go constantly change.

Premier League table. results: Man City vs Newcastle, Brighton vs Liverpool, West Ham vs Burnley, results of football league

BBC