Following di federal goment approval wey give two airports, Lagos and Abuja di green light to resume operation on di 8th of July 2020. di Federal Airports Authority of Nigeria (FAAN) don release new guidelines for air travelers and other airport users.
The operating Procedure dem say na standard go protect all stakeholders and prevent further spread of Covid-19 virus.
Di kontri Minister of Aviation Hadi Sirika wey announce am on Wednesday say, Kano, Port Harcourt, Owerri and Maiduguri go follow on di 11th of di same month.
According to di minister, oda airports go reopen on di 15th.
While di date for international flight resumption go come later.
- Robots, waiting time, see oda tins wey go change wen flights resume for Nigeria
- For you to use dis five Nigerian airports you must obey dis new rules
In di “New Normal”, passengers wey dey travel comot must to comply with di following guidelines wey FAAN bin roll out.
Need to know from wen you land airport to before you check-in
- Pipo wey dey travel wit pets MUST to get necessary clearance from Nigerian Agricultural Quarantine Services.
- Dem go disinfect all passengers’ luggage before dem enta departure hall.
- All footwear go dey DISINFECTED/SANITIZED by FOOT MATS wey dem put for all entrances to di terminal building, amongst others.
On Saturday, 27 June, 2020, di Federal Airports Authority of Nigeria (FAAN) do dry run exercise for di domestic terminals of di Nnamdi Azikiwe International Airport, Abuja and Murtala Muhammed Airport, Lagos.
Di aim na to test di readiness of di airport to reopen afta coronavirus make dem shut down operations since March.
Some of dem na waiting time wey don increase sake of di plenti checks wey go dey happun now and di use of robots for Lagos and Abuja airports to reduce physical contact sake of di coronavirus.