Criminal Investigations Department (CID) of Ghana Police Service arrest two persons in connection to de demolition of staff quarters wey dey premises of Nigeria High Commission for Accra.
According to Ghana Police, dem arrest de two suspects around Monday, June 22.
- President Nana Akufo-Addo apologise to Buhari over High Commission building demolition
- Why some Ghanaians dey kick against new voters register
De two dey face charges of conspiracy to commit crime which dey imply – unlawful entry and causing unlawful damage.
“De Criminal Investigations Department in de course of investigation on Monday 22nd June 2020, arrest two persons involved in de demolition of one building on de premises of de Nigerian High Commission for Accra” de statement wey Juliana Obeng sign reveal.
These charges dey fall under de Criminal and Other Offences Act, so dem start de process dem for court over de matter.
President Nana Akufo-Addo apologise to Buhari over High Commission building demolition
Ghana President Nana Akufo-Addo don call Nigeria President Muhammadu Buhari to tok sorry over di demolition og one building for di premises of Nigerian High Commission wey dey for Accra, Ghana.
Tok-tok pesin to di President Buhari, Garba Shehu say Ghana president call im Nigerian counterpart for phone on Tuesday, 23, June , 2020 for wia im offer im sincere apology.
Di statement from Shehu also add say dem don arrest some suspects and dem go arraign dem for court even as investigation don start ontop di mata.
- Why Occupy Ghana dey accuse govment of ‘massaging’ coronavirus death figures
- Filth take over parts of Accra streets after floods kill one, displace some residents
Nigeria goment bin summon di second in command of di High Commission of Ghana to Nigeria, Ms Iva Denoo, ova di demolition of parts of di Nigerian embassy in Ghana.
Di Minister of Foreign Affairs, Geoffrey Onyeama reveal dis one on Monday.
For tweet im tok say: “I don summon di Chargè d’ Affaires of di High Commission of Ghana to Nigeria, Ms Iva Denoo to demand urgent explanation ontop di recent attacks on one residential building for our diplomatic premises and reinforcement of security around diplomatic premises and staff.”
On Friday, armed men for Ghana storm de residence of Nigeria High Commission for Ghana wit bulldozers which dem take destroy some buildings on de property.
De building wey dem demolish be new property wey dem dey construct for staff den visiting diplomats to de High Commission.
According to Accra-based Joy FM, one armed man allegedly threaten de Nigeria High Commission staff present say he go ‘clear dem off’ if dem interfere.
Head of security for de High Commission, Emmanuel Kabutey talk Joy FM say dem get backing of National Security so “if any of us try, he go clear us off.”
According to Mr Kabutey, “when police come, dem no talk dem anything, instead dem go straight to de man [leader of the armed men] wey dem have friendly chat plus am, exchange numbers wey dem allowed am to go.”
Police come de property come take pictures of de demolished building but de eyewitnesses say dem no talk dem anything.
Ghana Deputy Foreign Affairs Minister, Charles Owiredu say what happun during de early hours of Saturday be unfortunate.
Owiredu tok BBC say, “what happen during de early hours of Saturday be unfortunate, de High Commission and Embassies be inviolable within de Vienna Convention.”
Mr Owiredu talk BBC Pidgin say dem gather some info say de demolishing be linked to some land ownership struggle between de Nigeria High Commission den Osu Traditional Authority for Accra.
De incident wey happen last week Friday make Nigerians vex, including Foreign Affairs Minister for Nigeria, Geoffrey Onyeama.
We strongly condemn two outrageous criminal attacks in Accra, #Ghana, on a residential building in our diplomatic premises by unknown persons in which a bulldozer was used to demolish the building.
— Geoffrey Onyeama (@GeoffreyOnyeama) June 21, 2020
Nigerian community protest di demolition
Some Nigerians wey dey for Ghana bin stage peaceful protest against di demolition of di Nigerian High commission staff quarters wey dey di kontri.
Dem also complain about how Ghana goment no dey treat Nigerians wey do business for di kontri well.
Some of dem say dia shops don dey locked for ova eight months and now dem don demolish di High commission building.
Chukwuemeka wey be di President Nigerians doing business in Ghana follow BBC Pidgin tok say: “If any litigation dey on top di land, dey for go through di appropriate channel but to break di fence down for midnight na insult to di Nigerian goment.
“If dem fit demolish our building, wetin go happun to us if we dey waka for street. Our lives no longer dey safe, E tok