Plenti Nigerians and celebs shock wen dem wake up to hear di news of di death of popular video vixen and dancer, Kodak.
Dem enta social media to pay tribute to di dancer wey don work with ogbonge entertainers for Nigerian for dia music videos.
- Slumdog Millionaire actor Irrfan Khan don die
- Court sentence Funke Akindele and JJC Skillz to 14 days isolation, community service
- How Nigerians dey ‘parte’ inside coronavirus lockdown
Olamide post picture of him and di dancer come write Rest Up Kodak with heartbreak emoji join.
Di dancer dey for di musician hit music video WO!!
Na Kodak tori full plenty pipo mouth for Twitter as many of her fans dey sad to hear about di tori of her death.
Kaffy wey be dancer like her also comment.
Life dnt cease to be funny when pple die any more than it ceases to be serious when pple laugh. Death is turn by turn, but for Kodak? damn it, it was too soon. When u get der, show dem. Shake/break tables.I may not have Knwn you personally but your light/energy touched many. pic.twitter.com/wo1mMfyJYv
— Charly Boy Area Fada 1 (@AreaFada1) April 30, 2020
How she die
One of Kodak friend wey tok to BBC Pidgin but no want make we mention her name say, na electric shock kill di dancer, wen she bin go charge her phone for one music producer office.
She bin dey shoot music video for di music producer house wen di incident happun.
She add say dem confam her dead wen dem rush her go hospital.