Roma vs Feyenoord highlight: Nicolo Zaniolo goal make Jose Mourinho and As Roma win Uefa conference league

AS Roma celebrate following dia sides victory for di UEFA Conference League final against Feyenoord

Getty Images

Roma don win dia first major European trophy by beating Feyenoord for di first edition of di Europa Conference League final.

Di Italians ensure say Jose Mourinho first season in charge end wit trophy afta Nicolo Zaniolo chest down Gianluca Mancini pass before beating goakeeper Justin Bijlow wit better kick.

Mourinho, wey don win Champions League, Europa League and di Uefa Cup, don become di first manager to win all of Uefa major European trophies.

Di Portuguese chop criticism afta Roma lose 6-1 for Norway by Bodo/Glimt for di group stage last October.

But dis win continue di former Chelsea and Manchester United manager perfect record for European finals. E don oversea five wins in five finals.

Feyenoord, wey join di competion as far back as July no fit equaliser wen Rui Patricio tip Tyrell Malacia attempt wey hit bar.

Second Half:

Sad Cyriel Dessers of Feyenoord afta loss to AS Roma

Getty Images

45 mins: Roma 1-0 Feyenoord

46 mins: Good early run from Guus Til on di right for Feyenoord.

48 mins: Orkun Kokcu drive di ball face goal but di brush off di bar.

49 mins: VAR dey check weda ball Gianluca Mancini hand.

51 mins: Nothing dey for Tammy Abraham or Roma. Di VAR check don finish.

55 mins: Feyenoord dey play wit much more purpose since di break.

59 mins: Substitution. Feyenoord boss Arne Slot make im first change. Attacking midfielder Jens Toornstra replace Guus Til.

62 mins: Goal-saving tackle? Cyriel Dessers take advantage of di error by Chris Smalling but e no go far.

64 mins: Chris Smalling, Gianluca Mancini and Roger Ibanez don dey outstanding so far for Roma dis evening.

67 mins: Double change for Roma. Italy defender Leonardo Spinazzola replace Nicola Zalewski and Jordan Veretout come in for Nicolo Zaniolo.

68 mins: Slight sight of goal for Tammy Abraham wey enta from di right of di Feyenoord penalty area.

72 mins: What a save. Feyenoord goalkeeper Justin Bijlow stop Jordan Veretout low drive.

74 mins: Substitution. Arsenal loanee, Reiss Nelson comot for Bryan Linssen. Meanwhile, Gernot Trauner make way for Norwegian international Marcus Pedersen.

76 mins: Feyenoord dey lack final pass wey fit give dem chance.

79 mins: Anoda promising attack for Feyenoord but Jordan Veretout stop am.

81 mins: Cyriel Dessers don score 10 goals for Feyenoord for dis competition but e neva impress so far for di match.

82 mins: Luis Sinisterra try pull one stunt from di left for Feyenoord but e go straight to Roma keeper Rui Patricio

84 mins: Roma keeper Rui Patricio chop yellow card for time wasting. Roma wan hold on to dis 1-0 lead.

86 mins: Roma don dey close to winning di first major European trophy.

88 mins: Substitution. Orkun Kokcu and Tyrell Malacia comot as Patrik Walemark and former Brighton forward Alireza Jahanbakhsh enta for Feyenoord.

89 mins: Substitution. Tammy Abraham and Rick Karsdorp come off for Roma. Matías Vina and Eldor Shomurodov come on.

90mins: Five minutes added. Feyenoord fit find equalise?

90 +1 mins: What a chance? Fredrik Aursnes ball get small touch from Cyriel Dessers but Bryan Linssen completely miss di ball from six yards out.

Full Time: Roma 1-0 Feyenoord

First Half: Kick off

Tammy Abraham dey try go pass Feyenoord defender

Tammy Abraham dey try go pass Feyenoord defender

Roma 0-0 Feyenoord

2 mins: Some good play from di right from Feyenoord, wey dey threaten to enta until Roger Ibanez stop dia robust play.

3 mins: Feyenoord still dey dominate di ball but Roma dey hold dia shape

7 mins: Feyenoord don start on very positive note. Dem still dey press.

9 mins: One or two nice touch of play from Roma in midfield, wit Bryan Cristante and Henrikh Mhkitaryan dey threatening to play through balls.

12 mins: Feyenoord Colombian winger Luis Sinisterra and Roma Gianluca Mancini dey get right old battle down di Feyenoord left.

15 mins: Roma captain Lorenzo Pellegrini pick up di ball on di left-back position and drive forward to Feyenoord back four.

16 mins: Roma Henrikh Mkhitaryan go down. But e don dey take treatment.

17 mins: Substitution. Roma remove Henrikh Mkhitaryan and bring in Sergio Oliveira

19 mins: Roma 0-0 Feyenoord. Everi body dey take drink break.

22 mins: One or two better challenge as Tyrell Malacia foul Roma Nicolo Zaniolo.

24 mins: E dey tight so far and highly competitive but hardly creative. No single shot on target yet.

25 mins: Austrian defender Gernot Trauner chop yellow card afta e rough Tammy Abraham. Di English forward bin look dangerous dia

29 mins: Jose Mourinho dey patrol di touchline as im team don begin control di game

29 mins: Goal. Roma 1-0 Feyenoord. By Nicolo Zaniolo.

36 mins: Another chance for di Italians. No, na half chance. Lorenzo Pellegrini play shot from corner but Chris Smalling header loop am wey make am easy Feyenoord keeper Justin Bijlow to catch

38 mins: Cyriel Dessers enter from di right but Chris Smalling kick di ball comot from danger

41 mins: Feyenoord Orkun Kokcu try to beat Rui Patricio but e no fit pass am

43 mins: Great movement from Nicolo Zaniolo from di right.

45 mins: Four minutes added time

Half Time: Roma 1-0 Feyenoord

Roma vs Feyenoord Line up

Roma: Rui Patricio, Smalling, Ibanez, Mancini, Cristante, Karsdorp, Mkhitaryan, Pellegrini, Zalewski, Zaniolo, Abraham.

Feyenoord: Bijlow, Geertruida, Trauner, Senesi, Malacia, Aursnes, Kokcu, Nelson, Til, Sinisterra, Dessers.

Roma vs Feyenoord team news

Roma forward Nicolo Zaniolo fit return to di starting line-ip afta e recover from muscular injury.

Eldor Shomurodov however fit no see game afta e drop from di squad wey play Torino on Friday.

Also Bryan Cristante fit take Jordan Veretout position for midfield.

Henrikh Mkhitaryan wey bin dey away fro some time sake of hamstring injury go dey available to play di match.

Genk loanee Cyriel Dessers wey be di Conference League top scorer go start for Feyenoord.

Reiss Nelson wey dey on loan from Arsenal go possibly play beside Dessers.

First-choice goalkeeper Justin Bijlow just dey return from injury but Ofir go take im place again for di final.

Roma vs Feyenoord head to head

Jose Mourinho of Roma, Feyenoord coach Arne Slot

Getty Images

Roma and Feyenoord dey go head to head for di Uefa Europa Conference League.

Di last time dem meet di match end Roma 1 – 1 Feyenoord.

Di two teams do meet two times over di last several seasons.

Out of two previous meetings, Roma win one 1 while di oda one end draw.

So far dis season for di Uefa Europa conference league, Roma don average 2.2 points per game for home matches and Feyenoord 2.6 points per game for away matches.

Coming into dis game, Roma don pick up eight points from di last five games, both home and away.

Di game dey start by 8pm (WET) for Air Albania stadium for Albania.

Dey refresh dis page for live updates of di match