Iraq dust storm: Flights suspend as dust storm in Iraq make Bagdad sky turn orange

Vehicles dey drive along one road during one severe dust storm for Iraq capital Baghdad

Getty Images
Several similar dust storms don keep flights on stand still for Iraq last month

Dust storm don turn Iraq sky to orange colour, as one strong wind of dust hit large parts of di kontri.

Flights dey on stand still for airports for Baghdad and Najaf airports due to poor visibility.

Weather forecasters or weather sabi pipo say dem expect di condition to continue today Monday.

Dust storms don dey dey more common for di Middle East.

And sabi pipo dey blame am on combination of climate change and mismanagement of land and water.

For some places for Iraq on Saturday, you no fit see pass 500 metres.

Iraq bin experience dust storms at different times last month.

Dat time e land plenty pipo for hospital for treatment of respiratory problems.

Iraq meteorological office bin tell AFP before say di kontri fit see more and more dust storms.

Dis be due to drought, desertification plus less and less rainfall, di office add.

Lack of green areas inside and around cities fit also contribute to di problem.

For 2016, di United Nations Environment Programme (UNEP) predict say Iraq fit witness 300 dust events by 2026.

Dust storm in Iraq fotos

An Iraqi policeman directs traffic during one severe dust storm forn the capital Baghdad

Getty Images
One Iraqi policeman dey directs traffic for Baghdad
An Iraqi cleaner works to clean the street during a severe dust storm in the Iraqi capital Baghdad

Getty Images
Iraq don dey experience record low rainfall and high temperatures in recent years
Vehicles drive along a road during a severe dust storm in Iraq's capital Baghdad

Getty Images
For November, di World Bank say Iraq fit suffer 20% fall in water resources by 2050
Vehicles drive along a road during a severe dust storm in Iraq's capital Baghdad

Getty Images
Dust storms fit cause respiratory illness and heart disease, WHO tok
A aerial picture taken by drone shows the southern Iraqi city of Najaf during a dust storm

Getty Images
Aerial image of di southern city of Najaf, wey drone take