Ghana Black Stars don qualify for Qatar 2022 World Cup wit Thomas Partey early goal against Nigeria.
Nigeria Super Eagles and Ghana Black Stars bin battle for di key second leg of dia World Cup play-off for Abuja on Tuesday night.
Dis na after a 0-0 draw for Kumasi on Friday.
Di full time scores make fans for di MKO Abiola Stadium to vex enta di pitch afta final whistle.
— Samuel Odiase (@Aiyanyor01) March 29, 2022
Nigeria vs Ghana match LIVE SCORES
Second Half kick off
Nigeria get di second half kick at 19:14′ Lagos local time.
Moses Simon come in to replace im fellow winger Ademola Lookman.
Lookman first start for Super Eagles end early by 19:30′
Wit 15 minutes to go inside Abuja. Nigeria still dey chase di goal wey go give dem di World cup ticket.
Super Eagles Nigeria introduce veteran Ahmed Musa and Odion Ighalo to replace Peter Etebo and Emmanuel Dennis in search for a goal.
Sadiq Umar replace Calvin Bassey for di Super Eagles by 85th minute into second half.
Referee Sadok Selmi add five minutes extra time for Nigeria vs Ghana struggle for a spot in Qatar.
Ghana just hold on to return to di World Cup after missing out on dia trip to Russia four years ago.
Di game end in favour of di Black Stars.
First Half summary
Ghana midfielder Thomas Partey 14th minute shot from outside di box go through Francis Uzoho hands record Black Stars first goal on Tuesday for Abuja.
Super Eagles bounce back through di 22 minute penalty from William Troost Ekong.
Victor Osimhen 34th minute goal wey for give Super Eagles first half lead dey disallowed for off side rule.
Half time end wit one goal draw for both teams.
Advantage for Ghana as di Black Stars grab di important away goal early on inside Abuja.
Sadok Selmi na im be di main referee wey dey officiate di match.
Nigeria vs Ghana match time: Di match dey start by 6PM Nigerian time (17:00hrs) GMT – dat na 5PM Accra time.
Nigeria vs Ghana match Venue: Di long time arch-rivals dey storm di 60, 000 capacity Moshood Abiola National Stadium wia di match dey hold wit dia head high.
Nigeria dey hope say dia home advantage fit inspire dem to book dia place for Qatar later dis year.
Nigeria vs Ghana squad list
Coach Austin Eguavoen make five changes to im team wey play draw wit Ghana last Friday.
Super Eagles starting XI
Di starting 11 for di crucial second leg tie inside Abuja include:
Aside goalkeeping, every oda wing get changes.
Zaidu Sanusi go start from di substitute bench as Rangers defender Calvin Bassey replace am.
For midfield, Joe Aribo get new partners in Oghenekaro Etebo and Frank Onyeka.
Victor Osimhen go work upfront with Ademola Lookman and Emmanuel Dennis.
See full starting squad
23. Francis Uzoho (GK)
2. Ola Aina
5. William Ekong
6. Leon Balogun
18. Calvin Bassey
4. Frank Onyeka
8. Oghenekaro Etebo
10. Joe Aribo
21. Emmanuel Dennis
12. Ademola Lookman
9. Victor Osimhen
See Black Stars starting XI
Nigeria vs Ghana match tickets
Nigeria goment announce free bus transportation for fans wey go like go di stadium plus 20,000 free tickets.
Fans don begin find dia way enter di MKO Abiola stadium for Abuja ahead of Nigeria, Ghana match dis evening.
While di Ghana embassy also announce free tickets for dia citizens wey wan go stadium.
Nigeria vs Ghana playoff Fifa away goal rule: Wetin Super Eagles and Black Stars need to qualify
Afta di first leg end 0-0, dia must be winner for dis return leg.
Weda na from regulation time, through extra-time or penalties.
Unlike Uefa competitions, Fifa still dey use away goal rule to determine eventual winners afta dem don play home and away.
According to Fifa: “Di aggregate score, wey be di team wit di most goals from di two matches, go determine di winner of Home & Away competition.
“If di game still dey tied, di side wit di most away goals go dey declared as di winner.”
Wetin dis one mean say for Nigeria to qualify, dem must win Ghana either during 90 minutes, for extra-time or through penalties (if di match still dey goalless afta 120 mins).
For Ghana, dem must at least score Nigeria for starters.
Di Black Stars go qualify if di match end for score draw e.g. 2-2.
Dem go also progress if dem beat Nigeria for Abuja.
Ghana go qualify if dem win Nigeria for penalties (if di match still dey goalless afta 120 mins).
Defeat go see dem miss out on qualification.
Ghana vs Nigeria head to head
Di last time dis two kontris meet, na on Friday 25 March but games between di two go way back as 1950.
Ghana and Nigeria don meet 57 times across all competitions. Di Black Stars don win 25 while di Super Eagles don win 12 and di oda 20 games end for draw.
Na only one time Nigeria win out of di 23 times wey Ghana don host.