Nigeria vs Sudan highlights: Samuel Chukwueze, Moses Simon, Taiwo Awoniyi goals push Super Eagles to Afcon 2021 next stage

Nigeria vs Sudan highlights: Samuel Chukwueze, Moses Simon, Taiwo Awoniyi goals push Super Eagles to Afcon 2021 next stage

Getty Images

Super Eagles of Nigeria defeat di Sudan Falcons of Jediane Saturday evening to qualify for di next stage of Afcon 2021 tournament.

Nigeria beat Sudan three goals to one afta full time of play for Stade Roumdé Adjia inside Garoua, Cameroon.

Coach Austin Eguavoen team now get six points for Group D wit two matches played.

Moses Simon of Nigeria left footed shot from one difficult angle for di left to di bottom left corner give Super Eagles dia third goal.

Khedr Safour Daiyeen penalty kick secure Sudan first goal by 25 minutes into di second half.

Simon score for di 46th minute, just a minute into di second half to give Nigeria di confotable lead.

Super Eagles Taiwo Awoniyi header from di centre of di box to di bottom left corner shake di goal post a second time just before first half end.

Samuel Chukwueze earlier open di scoring for Nigeria at di 3rd minute for di first-half.

Nigeria vs Sudan na di second round group D match for di 2021 Afcon tournament .

Nigeria currently dey top of Group D after dia impressive 1-0 win over Egypt on Tuesday.

And wit dis full time scores. Nigeria don qualfy for di next stage of di African Cup of Nations.

Nigeria vs Sudan highlights plus “Man of the Match”

Moses Simon win “Man of the Match” award for im outstanding performance dis Nigeria vs Sundan match.

Match referee Victor Gomes bin add three extra minutes afta di 90th minute of Nigeria vs Sudan match.

Sudan Mohamed Hakeem replace Salaheldin Nemer because of injury.

Falcons of Jediane shake Super Eagles net at 70th minute to make Nigeria 3, Sudan 1.

Ola Aina, Nigeria player collect yellow card for a bad foul at di 69′ minute.

At di 65′ minute Nigeria replace Kelechi Iheanacho wit Ahmed Musa, Kelechi Nwakali also replace Joe Ayodele-Aribo.

Earlier wen di second half start, Nigeria make substitution wit Alexander Iwobi wey replace Samuel Chukwueze, di first goal scorer.

Sudan also make substitution to start di second half, Algozoli Hussien replace Musab Eisa.

While Sudan Dhiya Mahjoub replace Gumaa Abas Omer.

Na assist by Moses Simon from di centre of di box to di bottom left corner shake di net to give Super Eagles dia first goal..

Nigeria record a total of 58% possession while Sudan put up 42% for di full game.

Super Eagles shoot 16 shots wit seven on target while di Falcons of Jediane shoot five.

Nigeria bin get three corner kicks while Sudan get two in all.

Nigeria record seven fouls while dia Sudanese counterpart record 15 fouls.

45 minute Goal! Nigeria 2, Sudan 0 wen Super Eagles Taiwo Awoniyi header from di centre of di box to di bottom left corner shake di net again.

First Half end afta four minutes extra time.

Nigeria next match go be against Ginea-Bissau on Wednesday 19 January, 2022 for Stade Omnisport de Garoua by 8PM.

Nigeria vs Sudan line up

Nigeria coach Austin Eguavoen no make any change to im starting line up against Sudan.

So Super Eagles Line up against di Falcons of Jediane na same as wetin dem use play Pharaohs of Egypt.

Nigeria vs Sudan line up: Substitutes of Super Eagles

6 Ajayi

7 Musa

8 Onyeka

11 Onyekuru

13 Ejuke

16 Akpeyi

18 Iwobi

21 Ebuehi

23 Uzoho

24 Sadiq

25 Nwakali

26 Ndah

Sudan starting line up against Super Eagles

Nigeria vs Sudan line up: Substitutes of Falcons of Jediane

2 Hakeem

3 Hassan

4 Ismael Ahmed Ismail

8 Hussein

16 Mohamed

18 Omar Abdalla Makki

19 Mahjoub Musa Kano

20 Zakaria Abakar

22 Hussien Nooh Mohamed

23 Mohamed Ahmed

24 Aldkhn

28 Abdeen Maki

Nigeria vs Sudan match Referee: Victor Gomes

Nigeria vs Sudan highlights: Samuel Chukwueze, Moses Simon, Taiwo Awoniyi goals push Super Eagles to Afcon 2021 next stage

Getty Images

Head to Head

Victory for di Sudanese go put dem in better place to qualify for di next round of di Afcon for di first time since dem last play for di tournament for 2012.

Meanwhile win for Nigeria go guarantee di Super Eagles place for di round of 16.

Nigeria and Sudan don only meet two times for Africa Cup of Nations. Di first meeting na for Nigeria first participation for 1963 wen Sudan sama Nigeria 4-0.