Liberia vs Nigeria Live updates: Super Eagles line up

“Go for victory over Liberia today,” Na so Nigeria Sports Minister Sunday Dare charge Super Eagles on Saturday.

Lone Star of Liberia go host Super Eagles inside Tangier, Morocco for dis all important 2022 World Cup qualifier.

Nigeria bin win di reverse fixture 2-0 in Lagos earlier dis year.

Youth and Sports Development Minister Sunday Dare ginger Super Eagles to go for di win against Liberia.

Liberia vs Nigeria: Super Eagles line up

Super Eagles head coach Gernot Rohr fit use di 3-5-2 formation for Saturday 2022 FIFA World Cup qualifier against the Lone Star of Liberia, according to football annalist.

See Super Eagles line up

Dare beg dem to do Nigeria proud and brighten dia chances of qualifying for di final stage of di 2022 World Cup African qualifiers.

“The whole of Nigeria di whole Nigeria behind you,” Dare open up for im statement to di team.

“I believe say di leadership of di Nigeria Football Federation(NFF) don work hard to provide di coaches, players and support staff with all you need to dey ahead of your opponents today.

“I know di entire team dey fired up for dis. So, go and do us proud. No take anything for granted.” Di Minister add.

Di Sports Minister continue say; “Give your 100% on di pitch to get a win today and then we wrap things up in Lagos next Tuesday”.