Ikoyi building collapse update: Sanwo-Olu task panel to probe 21 storey wey crash

Lagos State Govnor don inaugurate tribunal to investigate di cause of di 21 storey building collapse for Ikoyi on Monday.

Gov. Babajide Sanwo-Olu tok on Thursday for di inauguration say;

“Na important assignment sak eof say if we no do am di generation wey dey come afta us no go forgive us.” .

Sanwo-Olu add say di even na sad one for Lagos but say e show di sincerity of im goment to get to di root cause of wetin make di building to collapse.

E add say “Lagosians and di world dey watch and wait , with expectation say, we go reveal di immediate and dep reasons why dat building collapse.”

Di panel dey completely made up of pipo wey dey di private sector,

Di task before Lagos Panel on Ikoyi Building Collapse include;

  • President of Nigeria Institute of Town Planners (NITP), Mr. Toyin Ayinde
  • Ekundayo Onajobi, wey be lawyer
  • Structural engineer, Dr. Akintilo Idris Adeleke
  • Architect, Yinka Ogundairo
  • representative of Institute of Builders, Mr. Godfrey O. Godfrey
  • Mrs. Bunmi Ibrahim wey be real estate lawyer

Dem get 4 weeks to come back with report.

How di panel go work?

Oga Sanwo-Olu reveal say di work of di panel na to conduct independent investigation into wetin cause di collapse of di building for Gerrard road.

Dem also get di right to call any pesin or organisation wey go dey useful for di investigation.

Oga Sanwo-Olu tok say di porpose of di panel na so, “evrione wey dey concerned including di goment go learn from dis unfortunate incident”.

E further add im belueve say di result of di investigation go helep coole di minds of di victims family from dia pain and worry.