Oleksandr Usyk na di new WBA, WBO, IBF and IBO world champion afta im dethrone Anthony Joshua.
Im win di fight based on points to hand Joshua im second defeat for im career.
Di score na 117-112, 116-112, 115-113, all in favour of Usyk wey produce exceptional performance.
Even though Joshua lose dis fight, rematch clause dey for di contract wey di two fighters sign.
E go give am opportunity to reclaim di belts just like im bin do wen e fight Andy Ruiz.
See how di fight go
Over 60,000 fans gather for Tottenham Hotspur stadium to watch di fight between Anthony Joshua and Oleksandr Usyk.
Di fight don become di highest British boxing attendance since Joshua beat Alexander Povetkin for Wembley for 2018.
Usyk enter di ring
Afta singing national anthems of Ukraine and UK, Usyk, wey wear mask as if im dey Star Wars waka go di ring.
Im den remove di mask and with all di fireworks going off behind him, strides to di ring, focused and intense.
AJ jam to Maulo ‘Ambition’
Anthony Joshua walk in to di ring wit song from e cousin, Maulo wey recently release e EP.
Dis na Joshua 11th successive world title fight and im go dey desperate to avoid shock defeat like wetin happun for im first fight with Andy Ruiz for Madison Square Garden.
Usyk starts well
Joshua attempt right hand blow to Usyk body, but e miss. Usyk dey prove tricky to nail down in di opener, di Ukrainian fit don take di first round.
Joshua dey struggle to find e target.
Right hand blow to di body from Joshua and dat punch briefly force Ukrainian on di back foot. Joshua trie to find right hook to blast im way through, but Usyk gloves soak up di power.
Usyk ahead after three rounds
Usyk land with powerful shot to di head, Joshua momentarily dey hurt. But Joshua land with right hand for di final seconds of di third and e lead to huge roar from di home fans.
Three gone and Usyk, dey show great footwork and dey so mobile, im dey win di fight so far.
Another jab from Usyk land for Joshua face. One big overhand from Joshua, maybe im best punch of di contest so far, lands, but Usyk bin dey move backwards so e no take am at full whack.
Joshua best round of di fight so far, dat na di fourth, but di fight fit still go either way. Usyk, wey dey stone lighter than Joshua, dey faster, getting in and out and dey move fantastically well.
Joshua take di fifth round
Joshua don begin to show e power and dat definitely be im best round and doubt no dey say im take dat round.
E don give Usyk something to think about. Joshua fit put e foot on di accelerator now and build on dat success?
Dis round dey quieter, Joshua trie to swing im right hand, but Usyk still dey full of energy and dance im way backwards and out of danger.
Joshua dey in di middle of di ring for di sixth, as im try to pressure Usyk and e hit beautiful straight right hand to Usyk chin.
Dat one go pain am, but e no send Usyk down.
We dey halfway. A very enjoyable watch.
Usyk hit Joshua for Round 7
Straight counter right from Joshua, but wait just a minute, left hook from Usyk and Joshua wobble backwards. Di champ dey in trouble.
Dat left wey rock Joshua leave am off balance, but e stay up and Usyk bin dey too far away to land with follow-up.
Joshua fit don start to take some risks. Im land with right and dat na good start. Im now dey mix am up with good shot to di body and straight right rock Usyk back a bit, but not as dramatically as Joshua bin dey rocked a round earlier.
Warning for Joshua
Anthony Joshua get warning for holding Usyk down. Di last thing Joshua need na to get point deduction from e total. But just a warning from Michael Alexander.
Usyk get cut, just above di right eye. Dat go prove crucial?
A huge roar from di crowd as Joshua now get visible target to aim for. Blood over Usyk eye.
But Joshua also get some damage, e right eye don swell up.
Usyk with one, two, three left hands to di face moving forward in succession. Good work from di Ukrainian.
Joshua fit dey in throw-the-kitchen-sink territory now. Four minutes to go.
E don finish
Usyk land couple of punches just before di round end as Joshua look defenceless.