Lawmakers for Ghana dey propose 10-year jail term inside new bill which dey criminalize LGBTQ+ activism in de country.
De main objective of de 36 paged document, Proper Human Rights and Ghanaian Family Values Bill 2021 draft bill wan deal plus what dem say be “propaganda, advocacy for LGBTQI+ den related activities.
Reason for de new Bill be sake of recent LGBTQ+ advocacy den activism which dey increase for Ghana.
Dis Bill, when passed into law go make am impossible to even support or campaign for LGBTQ+ rights online like social media platforms.
- ‘Dem dey abuse and attack us for street’ – Ghana LGBTQ activist talk
- How Ghana LGBTQ group raise $38,000 for new office space
Prohibition of LGBTQ+ activities
Section 6 of de bill mention say anyone who go engage in sexual intercourse with same sex “commit second degree felony wey dem be liable on summary conviction…to a term of not less than three years and not more than five years or both.”
Prohibition against promotion den advocacy
In Section 12 of 36 paged Proper Human Rights and Ghanaian Family Values Bill 2021, “anybody wey go use media, technological platform, technological account or any other means, produce, procure, market, broadcast, disseminate, publish or distribute material for purposes of promoting activity prohibited under de Bill, or a person wey go use internet… commit offence wey dem be liable on summary conviction to a term of imprisonment of not less than five years den not more than ten years.” De bill state.
Prohibition of funding or sponsorship of LGBTQ+ activities
Section 14 of de bill also state say anyone who go fund or sponsor LGBTQ+ activities commit offence, wey dis person go fit go jail for not less than five to maximum of ten years.
Disbandment of LGBTQ+ Groups
Section 15 of de bill also disband any group, association, club or organisation which dey exist before de passing of dis bill into an Act of Parliament.
Reaction from LGBTQ+ community
LGBTQ+ activists for Ghana describe de move as “backward, regressive den inhumane.”Dem feel say dis bill go destroy de gains wey LGBTQ community make in Ghana over de years.