Ghana First Lady, Rebecca Akufo-Addo reject salary new arrangements wey govment offer over negative public outcry.
Ghana Second Lady announce she too go refund taxpayers money she collect as allowance since 2017 her husband become Vice Prez of Ghana.
Madam Akufo-Addo statement signed by her Director of Communications, Korkor Bleboo talk say:
“People lace de public discussion with some extremely negative opinions, she dey find am very distasteful.
“E dey portray am as self serving who no dey care about de ordinary Ghanaian.”
As a result she explain say “she decide to refund all monies dem pay her as allowances from de date of de Prez assume office.
Dat be “around January 2017… amounting to Ghc899,097.84.”
According to de statement, Madam Akufo-Addo no make any request to receive allowances.
Instead “she only received what dey exist wey already be attached to en status, although informally.
Ghana Second Lady announce she too go refund taxpayers money she collect as allowance since 2017
Second Lady of Ghana, Samira Bawumia announce say she also go refund all monies dem pay to am as allowance since 2017.
She make dis decision hours after de First Lady of Ghana, Rebecca Akufo-Addo announce her decision.
Akufo-Addo offer to refund some Ghc899,000 she receive as allowance since 2017.
Inside statement wey de Office of de Second Lady release, Samira Bawumia talk say:
“In consultation with H.E de Vice President, she go refund all allowance dem pay her since 2017.”
In addition to dis ” she no go accept any monies dem allocate to her…”
De Second Lady dey refer to de “recommendations of de Prof. Yaa Ntiamoah-Baidu led committee.”
Salary of Ghana First Lady: Background
De payment of salaries to first and second ladies dey stir public anger among some Ghanaians.
Some feel govment dey spend taxpayers money in de wrong place.
Per de proposed arrangement, First Lady, Rebecca Akufo-Addo go collect Ghc 21,000 ($3500) per month, wey dem go backdate am to 2017.
Dis go sum up Ghc 1,134,000 (about $191,268) which she go take as back pay, de second lady too go enjoy same benefits.
Ghana start moves to pay de first and second lady monthly salaries as financial rewards to dem.
Per de new arrangements, wives of de Prez and Vice Prez go earn monthly salaries at de level of cabinet ministers in de country.
Di Emoluments committee for parliament recommendation be sake of dem feel say First Lady and Second Lady dey struggle to run dema office.
According to de Committee, de payment of monthly salaries to dem be based on humanitarian grounds.
Govment adopt de recommendations of wey de parliament approve am subsequently.
Salary of Ghana First Lady: Reaction to refund
Ghanaians welcome de move by de First Lady after she announce her decision to refund monies back to de State.
