Oko Iyabo: Yomi Fabiyi Yoruba movie provoke Tampan, social media gbasgbos

Oko Iyabo Yoruba movie wey be Yomi Fabiyi new film don provoke Yollywood industry watchers.

Di Theatre Arts and Motion Picture Practitioners’ Association of Nigeria, [TAMPAN] don summon Fabiyi sake of di movie.

Nigerians on social media dey at di same time drag di controversial actor over di release of im film.

According di to Yollywood watchers, di movie show case one Yoruba actor wey dey face court case of alleged sexual assault of a minor.

Yomi Fabiyi, bin on Sunday, July 4th announce for im Instagram page say di movie, wey im share some parts don’t out.

Inside di movie, dem show di accused actor as a victim wey fall into a trap wey im real life accuser set for am.

Fabiyi also use real names of individuals wey dey involved inside di case for di moview

Social media users don begin drag Yomi Fabiyi and odar Nollywood stars wey feature inside di movie.

Some want pipo to report di movie to YouTube in orde to pull am down.

Tampan Director of Research and Documentation, Yemi Amodu explain why dem summon Fabiyi.

E say di controversy di subject matter of di movie don generated dey against dia ethics and virtue.

Dem don beg di public to exercise patience as ”justice will be delivered.”

Oko Iyabo: Wetin TAMPAN tok about Yomi Fabiyi movie

TampanCommittee on Ethics, Conflict and Resolution summon Yomi Fabiyi to appear before dem onThursday 11th July 2021.

Fabiyi go show as di Producer/Director of di controversial film titled “OKO IYABO”

Part of di Tampan statement read;

“Dis invitation become very necessary because of di controversy wey di subject matter of im film don generate wey dey against our ethic and virtue.

“Despite dat, we realize say di film don spark off another round of dissension between TAMPAN and di public;

Di dey unacceptable to us and unsuitable to wetin we represent. Di statement add.

“We hereby beg di general public and di parties concerned to abeg exercise patience as our important association dey on top of dis issue.

“And go certainly ensure fairness and justice.” Di statement conclude.

[Oko Iyabo Yoruba movie] Yomi Fabiyi profile

Apart from di Yoruba film wia many pipo take sabi am, Yomi Fabiyi also na Human Rights Ambassador (US Embassy).

On 24 April, 2018 inside di US Embassy for Walter Carrington, Lagos, Nigeria US Consul-General to Nigeria plus CRALI decorate am Human Rights Ambassador.

According to im profile on im verified Instagram handle, di actor say im be film maker, Master of Ceremony, Film Producer and e don collect plenty awards.

Dem born am on May 1st and e grow up for Shomolu local government for Lagos state, Nigeria largest commercial city.

E attend Odunlade primary school and Igbobi college for Shomolu for im primary and secondary education.

Veteran Nollywood actor, Babatunde Omidina wey many pipo sabi as Baba Suwe na im first introduce am into acting.