One school official from di Abia State University (ABSU) don tell BBC Pidgin say di school dey chook eye to confam di number of students from di school gunmen kidnap along Okigwe-Uturu road on Thursday, 6, May, 2021.
According to statement from di state government, di incident happen in di evening of Thursday, wen di students bin dey travel inside one mini bus around 1pm-8pm wen dem jam jaguda pipo wey march dem enter forest along with oda travellers wey dem never fit identify yet.
“Two students manage to escape from di hoodlums while odas still dey dia hand for unknown location.
We dey work with di goment of Imo state and relevant security agencies for both states to ensure di rescue di abducted students and odas” Di statement tok.
- Reports of gunshot around police area command for Aba: Wetin we know
- Deaths, destruction from gunmen attacks on Police for eastern Nigeria in three months
Wetin more we sabi about di kidnap?
One of di school official wey no want make we reveal im name tok say five security check points dey around wia di kidnap hapun and di place no far from di local govt area.
He add say di school still dey take stock of dia students as dem no wan conclude say all d seven pipo wey dey inside di bus be students.
Di school authority don also mandate lecturers to dey end classes for 4pm sake of wetin happen.
Security of di region
Kidnap for ransom no be new tin for Naija as e don dey happun since, but insecurity wey don become big problem for di country don make am worse.
Abia state dey among di south-east states wey dey battle security problem plus attack on security pipo in recent times.
Gunmen attacks for south east Nigeria
Breakdown of armed men attack on Police Officers for South East Nigeria between January-March 2021
Ebonyi State
January 8
3 Police Officer die
Onueke Police Station in Ezza South Local Government Area
Abia State
February 1
1 Police Officer die
Omoba Police Station in Isiala Ngwa South council area
Ebonyi State
February 4
Police Station burnt
Police Divisional Headquarters in Isu, Onicha Local Government Area
Imo State
February 5
2 Police Officers die
Umulowo Police Division in Obowo local government Area
Abia State
February 23
2 Police Officers die
Abayi Divisional police Headquarters in Aba
Imo State
February 25
Police Station burnt
Aboh Mbaise Divisional Police Headquarters
Ebonyi State
March 1
Police Station attacked
Iboko Divisional Police Station in Izzi Local Government Area
Imo State
March 9
Police Station burnt
Ihitte-Uboma local government Area
Anambra State
March 18
1 Police Officer die
Police checkpoint at Neni , Anaocha local government area
Anambra State
March 19
1 Police Officer die
Ekwulobia Police Station, Nanka
Abia State
March 22
3 Police Officers die
Abiriba in Ohafia Local government area